Bakgrunn
Mykje ny næringsutvikling i Noreg skjer i dag i sjøen og på havet. Store deler av havarealet er internasjonalt og dermed unntatt nasjonale jurisdiksjonar. Havforvaltning har derfor ein viktig internasjonal dimensjon.
Utgangspunktet ligg i havretten (Law of the Sea), og at statar kan bli einige gjennom traktatmekanismar, men óg i områder utanfor nasjonal jurisdiksjon trengs nasjonale reglar som styrer private aktørar. Dette kan til dømes gjelde ulike ansvarsspørsmål og spørsmål om tryggleik. Innanfor den økonomiske sona og på kontinentalsoklane gjeld nasjonal jurisdiksjon, som gjerne er oppfatta som meir velfungerande. Likevel kan ein spørje om dei ulike sektorreguleringane for skipsfart, fiskeri, petroleumsutvinning, havbruk og dei framveksande reguleringane av havvind og mineralutvinning på havbotnen, er godt nok samordna som samla havforvaltning.
Viktige spørsmål er korleis næringsinteressene skal samordnast med kvarandre og regulerast i forhold til utnytting av og forureining av økosystema. Forventningane til ei forvaltning som ivaretek både næringsinteresser og miljøinteressene kjem stadig tydelegare til uttrykk i samfunnet. Aktuelle spørsmål er óg knytt til korleis ein skal gjennomføre verneområde i havet, og kva som krevst av forbod mot aktivitet for at eit område skal reknast som verna i relasjon til ulike aktivitetar. Dei to elementa i berekraftmål 14 omfattar nettopp å verne eller bevare, og å utnytte på ein berekraftig måte.
Aktivitet
Gruppa vil ha jamlege møter for å diskutere den pågåande forskningsaktiviteten til medlemmane, saman utvikle nye problemstillingar, og slik legge til rette for publiseringar på dette området.
Gruppa vil i løpet av perioden vurdere om det er grunnlag for å søke om eksterne forskingsmidlar innanfor temaet.
Gruppa vil særleg samarbeide med Forskargruppe for Naturressursrett, Avdeling for Energi- og ressursrett, Avdeling for Sjørett, Oslo Law of the Sea Forum og andre relevante miljøer ved fakultetet.
Medlemskap
Primærmedlemmer
Assosierte medlemmer
- Ivar Alvik
- Amund Bjøranger Tørum
- Trond Solvang
- Endre Stavang
- Henrik Ringbom
- Annichen Kongsvik Sæteren
- Eirik Wold Sund
- Gullik- André Fjordbo
Gruppa ynsker særleg i den første fasen å invitere eksterne fagpersonar som kan være med å utvikle forskningsidear gjennom å bringe inn erfaringar frå eiga forskning i skjæringsfeltet næringsregulering og miljøregulering til havs.
Gruppa vil også søke å ha kontakt med næringsaktørar for å sikre at forskningsaktivitetane som blir sett iverk er relevante og byggjer på oppdatert kunnskap.
Varighet
Faggruppen er opprettet med 3 års varighet fra 1. august 2022.