Innlegget bygger på Jacobsens nye bok Legal Reform Research utgitt på Karnov forlag 2022.
Rettsvitskapen har gjennom tidene endra seg, i lys av så vel kunnskapsteoretiske som samfunnsmessige utviklingstrekk. Nye generasjonar rettsforskarar utviklar i dag rettsvitskapen i møte med det samfunnet vi møter og har allereie skapa ein meir mangfaldig disiplin. Ikkje minst ser ein ei interesse for spørsmål knytt til retten si vidareutvikling – frå dei meir prinsipielle spørsmåla om rettsstaten si framtida til dei meir konkrete, regulatoriske utfordringane knytt til mellom anna miljøregulering og teknologiske innovasjonar. Den utviklinga inviterer oss samstundes til å drøfte om slik reformforsking er ei relevant retning for rettsvitskapen å utvikle seg i og, i lys av mellom anna innvendingane som rettspolitikken ofte har blitt møtt med, om vi eigentleg kan produsere noko som kvalifiserer som vitskapleg kunnskap om slike spørsmål.