Om prosjektet
Korleis ser kontrollapparatet sine institusjonelle konstruksjonar av organisert og økonomisk kriminalitet ut, og korleis spelar desse inn i val av saker og framgangsmåtar?
Lovbrot med element av både økonomisk og organisert kriminalitet har fått stadig større merksemd politisk, i media og i politiet. Bruk av legale firma som ledd i ei illegal verksemd blir sett på som eit trugsmål mot økonomien og mot arbeidstakarar i utsette bransjar.
Prosjektet brukar arbeidsmarknadskriminalitet som eksempel på eit kriminalitetsfenomen der element av både økonomisk og organisert kriminalitet er i spel, og der grensa mellom kategoriane ofte er uklår. Kva slags preg set problemforståingar til kontrolletatane på strategiane ein vel, og kva slags metodar ein tar i bruk? Korleis blir tilhøvet mellom kontrollmetodar som skjer før og etter at lovbrotet har skjedd utvikla, og kvifor?
Metode
Prosjektet er ein kvalitativ studie som byggjer på intervju med fagpersonar innan ulike etterforskings-, førebyggings-, og etterretningsmiljø i politiet i Noreg, samt deltakande observasjon og dokumentanalyse.
Resultat
Avhandlinga Practical criminologies: Sensemaking and proactive policing vart levert hausten 2022.
- Bjelland, H. F., & Vestby, A. (2017). ‘It’s about using the full sanction catalogue’: On boundary negotiations in a multi-agency organised crime investigation. Policing and Society, 27(6), 1–16.
- Vestby, A. (2018). Policy making without politics: Overstating objectivity in intelligence-led policing. In H. I. Gundhus, K. V. Rønn, & N. Fyfe (Eds.), Moral issues in intelligence-led policing (pp. 265–282). Routledge.
- Vestby, A. (2022). Cheats, Threats and Reflexivity: Organizational Narratives on Policing Organized and Economic Crime. British Journal of Criminology, 62(1), 200–217.
- Vestby, A. (2023). Preventing prosecution: Narratives on proactive policing. Theoretical Criminology, 136248062311736.
- Vestby, A., & Vestby, J. (2021). Machine Learning and the Police: Asking the Right Questions. Policing: A Journal of Policy and Practice, 15(1), 44–58.
Prosjektperiode
Annette Vestby disputerte desember 2023.
Finansiering
Prosjektet er finansiert av Noregs Forskingsråd og Politihøgskolen.
Samarbeid
Prosjektet er del av NFR-prosjektet Politimetodar i endring som samarbeider med Linnéuniversitetet, BRÅ, Scottish Institute for Policing Research, og Universitetet i Oslo.